Dear EU visitors, this website uses cookies. If you're not okay with that please leave this website. What are cookies?

Welcome

Група Чардак (Охрид) − Grupa Čardak (Ohrid)

Димчета аскер го писаја − Dimcheta asker go pisaja

Димчета аскер го писаја,
од баш Марија детето, аман-аман,
од баш Марија детето,
од баш Марија детето,
од три години свршено, аман-аман,
од три недели женето.

Кога разбрала невестата,
пљусна си белите раце, аман-аман,
право ми тргна на сарај,
право ми тргна на сарај,
на сарај кај Шаин бега, аман-аман,
на сарај кај Шаин бега.

− Ефенди, џанам, ефенди,
колку флорини ќе бараш, аман-аман,
од грло ќе ти извадам,
од грло ќе ти извадам,
Димчета да го отпишиш, аман-аман,
Димчета да го отпишиш.

− Невесто, мори невесто,
царот не сакат флорини, аман-аман,
туку ми сакат момчиња,
момчиња како Димчета,
што знајат сабја да вртат, аман-аман,
што знајат пушка да држат.
Dimcheta asker go pisaja,
od bash Marija deteto, aman-aman,
od bash Marija deteto,
od bash Marija deteto,
od tri godini svrsheno, aman-aman,
od tri nedeli zheneto.

Koga razbrala nevestata,
pljusna si belite race, aman-aman,
pravo mi trgna na saraj,
pravo mi trgna na saraj,
na saraj kaj Shain bega, aman-aman,
na saraj kaj Shain bega.

− Efendi, djanam, efendi,
kolku florini kje barash, aman-aman,
od grlo kje ti izvadam,
od grlo kje ti izvadam,
Dimcheta da go otpishish, aman-aman,
Dimcheta da go otpishish.

− Nevesto, mori nevesto,
carot ne sakat florini, aman-aman,
tuku mi sakat momchinja,
momchinja kako Dimcheta,
shto znajat sabja da vrtat, aman-aman,
shto znajat pushka da drzhat.




Заседнал Стојан − Zasednal Stojan

Поседнал Стојан заседнал, леле,
во една ладна мејана,
во една ладна мејана, леле,
по среде града Едрене.

Напил се Стојан, опил се, леле,
фалба се Стојан пофалил:
− Јас си имам коњче доривче, леле,
и едно булче убаво.

− Кој ќе ми коњче надбрза, леле,
ќе му го дадам булчево.
Наспроти Стојан − пашата, леле,
седеше и му велеше:

− Јас имам коњи четири, леле,
и една брза кочија,
јас ќе ти коњче надбрзам, леле,
ќе ти го земам булчето.

Уште зборот недорече, леле,
пашата ми го заминал,
пашата ми го заминал, леле,
четири бели конаци.

Стојан на коњче думаше, леле:
− Брзај да си надбрзаме,
брзај да си надбрзаме, леле,
да не си булче турчиме!
Posednal Stojan zasednal, lele,
vo edna ladna mejana,
vo edna ladna mejana, lele,
po srede grada Edrene.

Napil se Stojan, opil se, lele,
falba se Stojan pofalil:
− Jas si imam konjche dorivche, lele,
i edno bulche ubavo.

− Koj kje mi konjche nadbrza, lele,
kje mu go dadam bulchevo.
Nasproti Stojan − pashata, lele,
sedeshe i mu veleshe:

− Jas imam konji chetiri, lele,
i edna brza kochija,
jas kje ti konjche nadbrzam, lele,
kje ti go zemam bulcheto.

Ushte zborot nedoreche, lele,
pashata mi go zaminal,
pashata mi go zaminal, lele,
chetiri beli konaci.

Stojan na konjche dumashe, lele:
− Brzaj da si nadbrzame,
brzaj da si nadbrzame, lele,
da ne si bulche turchime!




Стојану гости дојдоа − Stojanu gosti dojdoa

Стојану гости дојдоја, леле,
дојдоја и потседнаја,
Стојану гости дојдоја, леле,
дојдоја и потседнаја.

Нит јадат гости, нит пијат, леле,
Стојана ми го жалајат,
Стојана ми го жалајат, леле,
Стојан е многу сиромав.

Стојан е многу сиромав, леле,
девет планини бачила,
девет планини бачила, леле,
на десеттата сурија.

Нит јадат гости, нит пијат, леле,
караџа ми го барајат,
караџа караѓозлија, леле,
со сребрените рогови.

− Јадете, гости, пијете, леле,
караџа не ви го давам,
јадете, гости, пијете, леле,
караџа не ви го давам!
Stojanu gosti dojdoja, lele,
dojdoja i potsednaja,
Stojanu gosti dojdoja, lele,
dojdoja i potsednaja.

Nit jadat gosti, nit pijat, lele,
Stojana mi go zhalajat,
Stojana mi go zhalajat, lele,
Stojan e mnogu siromav.

Stojan e mnogu siromav, lele,
devet planini bachila,
devet planini bachila, lele,
na desettata surija.

Nit jadat gosti, nit pijat, lele,
karadja mi go barajat,
karadja karagjozlija, lele,
so srebrenite rogovi.

− Jadete, gosti, pijete, lele,
karadja ne vi go davam,
jadete, gosti, pijete, lele,
karadja ne vi go davam!




Ој ти момче охриѓанче − Oj ti momche ohrigjanche

− Ој ти момче охриѓанче,
што си толку замислено,
крај езеро везден шеташ,
кажи дали некој чекаш,
или срце некој ти открадна,
тешко да го заборавиш,
или срце некој ти открадна,
тешко да го заборавиш?

− Не ме прашај, моме мило,
тешко ми е да ти кажам,
јас си имав моме лично,
туѓинче од друго место,
љубов си дадовме, среќни бевме,
само едно, едно лето,
љубов си дадовме, среќни бевме,
само едно, едно лето.

− Дојде есен − си замина,
крај водите ме остави,
да ме мачат спомените,
в срце тежат, не се бришат.
− Само дојди, либе, врати ми се,
чекам, чекам крај езеро,
само дојди, либе, врати ми се,
чекам, чекам крај езеро.
− Oj ti momche ohrigjanche,
shto si tolku zamisleno,
kraj ezero vezden shetash,
kazhi dali nekoj chekash,
ili srce nekoj ti otkradna,
teshko da go zaboravish,
ili srce nekoj ti otkradna,
teshko da go zaboravish?

− Ne me prashaj, mome milo,
teshko mi e da ti kazham,
jas si imav mome lichno,
tugjinche od drugo mesto,
ljubov si dadovme, srekjni bevme,
samo edno, edno leto,
ljubov si dadovme, srekjni bevme,
samo edno, edno leto.

− Dojde esen − si zamina,
kraj vodite me ostavi,
da me machat spomenite,
v srce tezhat, ne se brishat.
− Samo dojdi, libe, vrati mi se,
chekam, chekam kraj ezero,
samo dojdi, libe, vrati mi se,
chekam, chekam kraj ezero.




Мори моме малој моме − Mori mome maloj mome

− Мори моме, малој моме, /
каде вода да налеам? /2
− Море лудо, абре младо, /
таму долу, под селоно. /2

− Таму има два кладенца /
и над ними јаболкница, /2
јаболкница род родила − /
две јаболка позлатени. /2

− Појди, лудо, откини ги, /
однеси кај кујунџии, /2
да излеат два прстења: /
еден тебе, еден мене. /2

Да излеат два прстења − /
еден тебе, еден мене − /2
двајца да имаме исти, /
раце да ни бидат лични. /2
− Mori mome, maloj mome, /
kade voda da naleam? /2
− More ludo, abre mlado, /
tamu dolu, pod selono. /2

− Tamu ima dva kladenca /
i nad nimi jabolknica, /2
jabolknica rod rodila − /
dve jabolka pozlateni. /2

− Pojdi, ludo, otkini gi, /
odnesi kaj kujundjii, /2
da izleat dva prstenja: /
eden tebe, eden mene. /2

Da izleat dva prstenja − /
eden tebe, eden mene − /2
dvajca da imame isti, /
race da ni bidat lichni. /2




Болно ми легнало Витето Белево − Bolno mi legnalo Viteto Belevo

Болно ми легнало Витето Белево.
Болно ми легнало, болно на постела.

Болно на постела од пусти мераци.
Од пусти мераци за тој Петруша.

Ми излезе Санте долу в чаршија.
Ми повика Санте до два доктора.

Први доктор велеше: Витето ќе умри.
Втори доктор велеше: Уш' не се знае.

Кога разбрал Рафаил − сабја го пресече.
Сабја го пресече во бело срце.

Ете го Рафаил кај иде со копан на рамо.
Со копан на рамо сосе фирали.

За да го види Витето, Витето Белево.
Зошто болно лежи од пусти мераци.
Bolno mi legnalo Viteto Belevo.
Bolno mi legnalo, bolno na postela.

Bolno na postela od pusti meraci.
Od pusti meraci za toj Petrusha.

Mi izleze Sante dolu v charshija.
Mi povika Sante do dva doktora.

Prvi doktor veleshe: Viteto ke umri.
Vtori doktor veleshe: Ush' ne se znae.

Koga razbral Rafail − sabja go preseche.
Sabja go preseche vo belo srce.

Ete go Rafail kaj ide so kopan na ramo.
So kopan na ramo sose firali.

Za da go vidi Viteto, Viteto Belevo.
Zoshto bolno lezhi od pusti meraci.



МАКЕДОНСКА МУЗИКА - MACEDONIAN MUSIC - musicofmacedonia.com